നിര്‍ധന കുടുംബങ്ങള്‍ക്ക് നാലു ദശലക്ഷം ദിര്‍ഹം സംഭാവന നല്‍കി അജ്മാന്‍ ഭരണാധികാരി
അജ്മാന്‍ എമിറേറ്റിെന്‍റ ഭരണസാരഥ്യം ഏറ്റെടുത്തതിെന്‍റ 40ാം വാര്‍ഷികത്തോടനുബന്ധിച്ചാണ് സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാഷിദ് അല്‍ നുഐമി പരിമിത വരുമാനക്കാര്‍ക്ക് ധന സഹായം പ്രഖ്യാപിച്ചത്. ഹുമൈദ് ബിന്‍ റാഷിദ് അല്‍ നുഐമി ചാരിറ്റി ഫൗണ്ടേഷെന്‍റ ചെയര്‍മാന്‍ എന്ന നിലയില്‍ അജ്മാനിലെ കിരീടാവകാശിയും അജ്മാന്‍ എക്സിക്യൂട്ടിവ് കൗണ്‍സിലിെന്‍റ ചെയര്‍മാനുമായ ശൈഖ് അമ്മാര്‍ ബിന്‍ ഹുമൈദ് അല്‍ നുഐമി സഹായ വിതരണങ്ങള്‍ക്ക് നേതൃത്വം നല്‍കും.അജ്മാന്‍ ഭരണാധികാരിയുടെ ഈ സംഭാവന താഴ്ന്ന വരുമാനവും അവശതയനുഭവിക്കുന്ന ആളുകളെയും സഹായിക്കാനാണെന്ന് ഫൗണ്ടേഷന്‍ ഡയറക്ടര്‍ ജനറല്‍ ശൈഖ അസ്സ ബിന്‍ത് അബ്ദുല്ല അല്‍ നുഐമി പറഞ്ഞു. ഇതു പ്രകാരം രണ്ടായിരം കാര്‍ഡുകള്‍ക്ക് 40ലക്ഷം ദിര്‍ഹം വിതരണം ചെയ്യുമെന്നും അവര്‍ കൂട്ടിച്ചേര്‍ത്തു. ഓരോ കാര്‍ഡിലും അജ്മാന്‍ മാര്‍ക്കറ്റ് സഹകരണ സൊസൈറ്റിയില്‍ നിന്ന് അടിസ്ഥാന ആവശ്യങ്ങള്‍ വാങ്ങാനുള്ള 2,000 ദിര്‍ഹമുണ്ടായിരിക്കും.