രുചിയുടെ വൈവിധ്യവുമായി കോട്ടക്കലില്‍ ‘പോഷണ്‍ മേള’
കോട്ടക്കല്‍ നഗരസഭയും ഐ.സി.ഡി.എസ് മലപ്പുറം റൂറലും ചേര്‍ന്നാണ് അംഗന്‍വാടികളില്‍നിന്ന് നല്‍കി വരുന്ന ഭക്ഷ്യവസ്തുക്കള്‍ കൊണ്ട് വീടുകളില്‍ വിഭവങ്ങള്‍ തയാറാക്കുന്ന മത്സരം സംഘടിപ്പിച്ചത്. നാഷനല്‍ ന്യൂട്രിഷന്‍ മിഷന്‍ സമ്ബുഷ്ട കേരളം പദ്ധതിയുടെ ഭാഗമായി പോഷണ മാസാചരണത്തോടനുബന്ധിച്ച്‌ നടന്ന മേളയില്‍ 38 അംഗന്‍വാടികളിലെ അമ്മമാരാണ് പങ്കാളികളായത്.നഗസഭ ചെയര്‍പേഴ്സന്‍ ബുഷ്റ ഷബീര്‍ ഉദ്ഘാടനം ചെയ്തു. ഉപാധ്യക്ഷന്‍ പി.പി. ഉമ്മര്‍ അധ്യക്ഷത വഹിച്ചു. സ്ഥിരംസമിതി അധ്യക്ഷരായ ആലമ്ബാട്ടില്‍ റസാഖ്, പാറോളി റംല, ഐ.സി ഡി.എസ് സൂപ്പര്‍വൈസര്‍ ടി.വി. മുംതാസ്, വി. സരള, പി. വനജ, ടി.പി. ഷീജ, പി. ഗൗതം കൃഷ്ണ, കെ. കൃഷ്ണകുമാരി, കെ. ഉഷ, ആമിനാബി, കെ. ഗിരിജ, കെ. രാജശ്രീ, എം. ശാരദ എന്നിവര്‍ സംസാരിച്ചു.മത്സരത്തില്‍ അഞ്ജന ദേവരാജ് (മദ്റസുംപടി അംഗന്‍വാടി) ഒന്നും കെ. നുസ്റത്ത് (നെല്ലിക്കപ്പറമ്ബ്) രണ്ടും എ. റംസിയ (ആലിക്കല്‍ അംഗന്‍വാടി) മൂന്നും സ്ഥാനം നേടി. പങ്കെടുത്ത മുഴുവന്‍ അമ്മമാര്‍ക്കും പ്രോത്സാഹന സമ്മാനവും നല്‍കി.