വാർത്താ മാധ്യമ രംഗത്ത് പുതിയ ചുവടുകളുമായി ദേശീയ വാർത്ത
നേരിന്‍റെ ശബ്ദമായി മാറിയ ദേശീയ വാർത്ത എന്ന സായാഹ്നദിന പത്രത്തിന്‍റെ ഓൺലൈൻ പതിപ്പായ www.desiyavartha.com ന്യൂസ് പോർട്ടൽ ബഹുമാനപ്പെട്ട ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി.ആർ അനിൽ ഉദ്ഘാടനം ചെയ്തു ജേർണലിസ്റ്റ് & മീഡിയ അസോസിയേഷൻ (JMA) സംസ്ഥാന അധ്യക്ഷൻ വൈശാഖ് സുരേഷ് ലോഗോ പ്രകാശനം നിർവഹിച്ചു.ജേർണലിസ്റ്റ് & മീഡിയ അസോസിയേഷന്റെ (JMA) തിരുവനന്തപുരം ജില്ലാ വൈസ് പ്രസിഡൻ്റ് ശശികുമാർ, സംസ്ഥാന ട്രഷറർ കൃഷ്ണകുമാർ, ജില്ലാ കോഡിനേറ്റർ കണ്ണൻ എസ്, താലൂക്ക് സെക്രെട്ടറി റോബിൻസൺ, രാഷ്ട്രശബ്ദം പത്രത്തിന്‍റെ എഡിറ്റർ സജു എസ്, ഇ.ബി.എം ന്യൂസ് അസോസിയേറ്റ് എഡിറ്റർ സുരേഷ് ദാമോദർ, ഐ മീഡിയ ന്യൂസ് എഡിറ്റർ ഷീജ, തുടങ്ങിയ പ്രമുഖർ ഉദ്ഘാടന ചടങ്ങിൽ പങ്കെടുത്തു.സമൂഹത്തിലെ അനീതിക്കെതിരെ നിരന്തരം ശബ്ദിച്ചുകൊണ്ടിരിക്കുന്ന മാധ്യമപ്രവർത്തകനും ജേർണലിസ്റ്റ് & മീഡിയ അസോസിയേഷന്റെ (JMA) തിരുവനന്തപുരം ജില്ലാ വൈസ് പ്രസിഡന്‍റുമായ സുരേഷ് കുമാറാണ് ദേശീയ വാർത്തയുടെ പത്രാധിപരും എഡിറ്ററും. സത്യസന്ധമായ വാർത്തകൾ ജനങ്ങളിലേക്ക് എത്തിക്കുവാൻ എന്നും ദേശീയ വാർത്ത മുൻപന്തിയിൽ ഉണ്ടാകുമെന്നും സുരേഷ് കുമാർ വ്യക്തമാക്കി