പലതരത്തിലുള്ള പുട്ട് നമ്മള്‍ കഴിച്ചിട്ടുണ്ട് . അങ്ങനെയെങ്കില്‍ കപ്പ പുട്ട് കഴിച്ചിട്ടുണ്ടോ? കേരളത്തില്‍ സുലഭമായ കപ്പയുപയോഗിച്ച്‌ വത്യസ്തമായ ഒരു പലഹാരം.
ആവശ്യമായ സാധനങ്ങള്‍
കപ്പ – ഒരു കിലോ
ഉപ്പ്‌ – പാകത്തിന്‌
തേങ്ങ ചിരകിയത്‌ – ആവശ്യത്തിന്‌
തയ്യാറാക്കേണ്ട വിധം
കപ്പ നല്ലവണ്ണം കഴുകി കനം കുറച്ചരിഞ്ഞ്‌ വെയിലത്ത്‌ ഉണക്കിയെടുക്കുക. ഇത്‌ പൊടിച്ച്‌ മാവ് പരുവത്തിലാക്കി സൂക്ഷിക്കാം. ആവശ്യത്തിന്‌ മാവ് ഇതില്‍ നിന്നെടുത്ത്‌ പുട്ടിന്‌ പാകത്തില്‍ കുഴച്ച്‌ പാകത്തിന്‌ ഉപ്പും തേങ്ങ ചിരകിയതും ചേര്‍ത്ത്‌ ആവിയില്‍ വേവിച്ചെടുക്കുക.