ജെഎന്‍യു സര്‍വകലാശാലയിലെ വിദ്യാര്‍ഥികളുടെ സമരത്തില്‍ ഐക്യദാര്‍ഡ്യം പ്രഖ്യാപിച്ചു പങ്കെടുത്ത ബോളിവുഡ് നടി ദീപിക പദുകോണിനെതിരേ രംഗത്തെത്തിയ സംഘപരിവാറിന്‍റെ നീക്കങ്ങളെല്ലാം പാളുന്നു. വിവാദങ്ങള്‍ക്കുശേഷം ട്വിറ്ററില്‍ ദീപികയുടെ ഫോളോവേഴ്‌സിന്‍റെ എണ്ണത്തില്‍ വലിയ വര്‍ധനവാണ് ഉണ്ടായിരിക്കുന്നത്.ജെഎന്‍യു സമരത്തില്‍ ഐക്യദാര്‍ഡ്യം പ്രഖ്യാപിച്ച്‌ ദീപിക എത്തിയതിനു പിന്നാലെ അവര്‍ക്കെതിരേ സംഘപരിവാര്‍ സോഷ്യല്‍ മീഡിയയിലും മറ്റുമായി ഹേറ്റ് ക്യാംപയിനുകള്‍ ആരംഭിച്ചിരുന്നു. എന്നാല്‍ ഇതിനു കനത്ത തിരിച്ചടി സൃഷ്ടിച്ചുകൊണ്ട് 40,000 പേരാണ് ദീപികയെ ട്വിറ്ററില്‍ പുതുതായി ഫോളോ ചെയ്തത്.താരത്തിന്‍റെ ചിത്രങ്ങള്‍ ബഹിഷ്കരിക്കാനും ദീപികയെ സോഷ്യല്‍ മീഡിയയില്‍ അണ്‍ ഫോളോ ചെയ്യാനുമായിരുന്നു ക്യാംപയിനില്‍ ആവശ്യപ്പെട്ടിരുന്നത്. ഇന്‍സ്റ്റഗ്രാമിലും ഫേസ്ബുക്കിലും ഫോളോ ചെയ്യുന്നവരുടെ എണ്ണത്തില്‍ വര്‍ധനവുണ്ടായിട്ടുണ്ട്. ദീപികയെ പിന്തുണച്ച്‌ സ്റ്റാന്‍ഡ് വിത്ത് ദീപിക, ഐ സപ്പോര്‍ട്ട് ദീപിക തുടങ്ങിയ ഹാഷ് ടാഗുകളും സജീവമാണ്.