🔅 നന്മയെ പോലെ തിന്മയും സത്യത്തെ പോലെ അസത്യവും ലോകത്ത്‌ നില നിൽക്കും.. തിന്മയെ അല്ലെങ്കിൽ തെറ്റിനെ നിരോധിച്ച്‌ ഇല്ലാതാക്കാനാവില്ല…നിയമം മൂലം നിരോധിക്കാൻ കഴിയുന്നതാണ്‌ തിന്മ എങ്കിൽ എത്ര പണ്ടേ ഇവയെല്ലാം ഈ ലോകത്ത്‌ നിന്നും ഇല്ലാതായേനെ…*_

🔅 നിഷേധിക്കപ്പെടുന്നവയോടുള്ള അഭിനിവേശം ആണ്‌ മനുഷ്യന്റെ സ്വാഭാവിക പ്രവണത. കാണരുത്‌ എന്ന് പറയുന്നവ കാണാനും കേൾക്കരുത്‌ എന്ന് പറയുന്നവ കേൾക്കാനും വിലക്കപ്പെട്ടതെല്ലാം ചെയ്യാനും ഉള്ള ജന്മവാസനയുണ്ട്‌ ഓരോ മനുഷ്യനും.

🔅 നിരോധിക്കപ്പെട്ടവ എല്ലാം വിപണിയിൽ ചൂടപ്പം പോലെ വിറ്റഴിയും . നിരോധനത്തിലൂടെ തന്നെ അശ്രദ്ധമായിരുന്ന ഒരു കാര്യം ശ്രദ്ധേയമാകും.

🔅 അഭിലഷണീയമല്ലാത്തവയെ ഉപേക്ഷിക്കാൻ സ്വയം പഠിക്കണം അധികാരം കൊണ്ട്‌ അടിച്ചേൽപ്പിക്കുന്ന കാര്യങ്ങളെക്കാൾ സ്ഥിരത ആത്മനിയന്ത്രണം കൊണ്ട്‌ ശീലിക്കപ്പെടുന്ന കാര്യങ്ങൾക്ക്‌ ഉണ്ടാവും .

🔅 തെറ്റുകൾ കണ്ടു കെട്ടാനുള്ള ശ്രമത്തിന്‌ പകരം തെറ്റുകളെ അതിജീവിക്കാനുള്ള പരിശീലനം നൽകിയാൽ  തെറ്റ്‌ ഒരു അപ്രധാന ഘടകമായി മാറും .

🔅 നല്ലതിന്റെ കൂടെ ജീവിക്കുന്നത്‌ കൊണ്ട്‌ ആരും നല്ലവർ ആകണമെന്നില്ല.  തിന്മകളുടെ ഇടയിൽ ജീവിച്ചിട്ടും നന്മയുടെ അംശം നഷ്ടപ്പെടുത്താതെ നിലനിർത്തുന്നവർ ആണ്‌ യഥാർത്ഥ വിശുദ്ധർ.