ചൈനയില്‍ 2023 ജൂലൈ 1 മുതല്‍ നിര്‍ബന്ധിതമാക്കുന്ന 6ബി എമിഷന്‍ മാനദണ്ഡങ്ങള്‍ പാലിക്കുന്ന എഞ്ചിനുകളാണ് എംജി ജി 10 -ല്‍ ഇപ്പോള്‍ നിര്‍മ്മാതാക്കള്‍ വാഗ്ദാനം ചെയ്യുന്നത്. കൂടാതെ പുതിയ ട്രാന്‍സ്മിഷനും വാഹനത്തിന് ലഭിക്കുന്നു.2.0 ലിറ്റര്‍ ടര്‍ബോചാര്‍ജ്ഡ് പെട്രോള്‍, 2.0 ലിറ്റര്‍ ടര്‍ബോചാര്‍ജ്ഡ് ഡീസല്‍ യൂണിറ്റുകള്‍ എംപിവിയില്‍ ഇപ്പോള്‍ വരുന്നത്.മുമ്ബ് വാഗ്ദാനം ചെയ്ത 2.0 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിന്റെ പുതുക്കിയ പതിപ്പാണ് ആദ്യത്തേത്, രണ്ടാമത്തേത് മുമ്ബ് വാഗ്ദാനം ചെയ്ത 1.9 ലിറ്റര്‍ ടര്‍ബോചാര്‍ജ്ഡ് ഡീസല്‍ എഞ്ചിനെ പകരം വയ്ക്കുന്നു.ചൈനയിലെ 2021 എംജി ജി10 ന്റെ വില 1,39,800 ചൈനീസ് യുവാന്‍ അതായത് 14.96 ലക്ഷം രൂപയില്‍ ആരംഭിക്കുന്നു.