LIfe thought’s

🔅 കെട്ടിക്കിടക്കുന്നത്‌ എല്ലാം മലിനമാവാനാണ്‌ സാധ്യത..നൈർമല്യത്തിലേക്ക്‌ എത്താൻ ഒഴുകുക തന്നെ വേണം

🔅 തടഞ്ഞു വച്ച്‌ പരിപാലിക്കുന്നതൊന്നും തനതായ രീതിയിൽ വളരില്ല . അകപ്പെട്ടു പോയ ആകൃതിക്കുള്ളിൽ നിന്ന് കാണിക്കുന്ന വികൃതികളിൽ അവയുടെ ജീവിതം അവസാനിക്കും

🔅 അണയാതെ കാത്തു സൂക്ഷിക്കുന്ന പ്രതികാരാഗ്നിയും ഉണങ്ങാൻ അനുവദിക്കാത്ത മുറിവുകളും പോഷണം നൽകി പരിലാളിക്കുന്ന സംശയങ്ങളും സ്വന്തം ഇടങ്ങൾ മലിനമാക്കുകയാണ്‌.

🔅 കാലങ്ങൾക്ക്‌ മുമ്പ്‌ സംഭവിച്ച കൊള്ളരുതായ്മകൾക്ക്‌ കണക്കു തീർക്കാൻ തക്കം പാർത്തിരിക്കുന്നവരും പരാതികളുടെയും പരിഭവങ്ങളുടെയും കെട്ട്‌ അഴിക്കുന്നവരും സ്വന്തം ഉത്തരവാദിത്വത്തിൽ നിന്ന് ഒഴിഞ്ഞു മാറി അപരനിൽ എല്ലാ കുറവുകളും അടിച്ചേൽപ്പിക്കാൻ ശ്രമിക്കുന്നവരാണ്‌.

🔅 അനാവശ്യമായും അനുചിതമായും തടഞ്ഞു നിർത്തപ്പെട്ട നദികളെല്ലാം അപകടം സൃഷ്ടിച്ചിട്ടേ ഉള്ളു

🔅 ഒഴുകിത്തെളിയാൻ കഴിയാത്ത ഒരു നദിയുമില്ല …. വറ്റി വരണ്ട ജലസ്രോതസ്സുകളും ഒരുനാൾ ഉറവക്ക്‌ വഴിമാറും

🔅 അപശകുനമായതിനെയെല്ലാം നദിയിൽ ഒഴുക്കിയാൽ നദി തെളിയുന്നതിന്‌ മുമ്പേ മനസ്‌ തെളിയും .നിറഞ്ഞൊഴുകുന്ന തെളിനീരിലേക്ക്‌ വീഴുന്ന വിഷത്തുള്ളികൾ അപ്രസക്തം .അത്‌ പോലെ ക്രിയാത്മക മനസ്സിനുള്ളിൽ തിന്മകൾ അലിഞ്ഞ്‌ ഇല്ലാതാകും.