Life thought’s

🔅 ബുദ്ധിയുടെ പ്രതലത്തിൽ നിന്ന് എന്തിനെയും വ്യാഖ്യാനിക്കാൻ ശ്രമിക്കുമ്പോഴാണ്‌ അടുപ്പവും അർത്ഥവും നഷ്ടപ്പെടുന്നത്‌ .

🔅 ഹൃദയത്തിൽ പൊതിയാത്ത തലച്ചോറിന്റെ അടിസ്ഥാന ഭാവം കാർക്കശ്യവും കാഠിന്യവും ആയിരിക്കും..

🔅 എഴുതപ്പെട്ട നിയമങ്ങൾ കൊണ്ട്‌ മാത്രം ഒന്നിനെയും കീഴ്പ്പെടുത്താനൊ ശരിയാക്കാനൊ കഴിയില്ല . ആളുകളുടെ സമീപനത്തിനും ഉൾക്കാഴ്ച്ചക്കും ഉള്ളിലായിരിക്കും നിയമത്തിന്റെ അതിർത്തി രേഖ.

🔅 വ്യവസ്ഥകളോടുള്ള യുക്തിഭദ്ര സമീപനമാണ്‌ ഏതു വ്യവസ്ഥയെയും സ്വീകാര്യവും കാര്യക്ഷമവും ആക്കുന്നത്‌.

🔅 മനസ്സിനെ നിയന്ത്രിച്ചാൽ വരുതിക്കുള്ളിലാകുന്നതാണ്‌ ഏതു സാഹചര്യവും ; അത്‌ എത്ര കലുഷിതമാണെങ്കിലും ..

🔅 സമനില വിടുന്നത്‌ കൊണ്ട്‌ ഒരു നിലയും നേരെയാകില്ല .സമീപനങ്ങളിലെ സൗമ്യതയാണ്‌ ബന്ധങ്ങളുടെ നിലനിൽപ്പും തീവ്രതയും തീരുമാനിക്കുന്നത്‌ .