ആപ്പിളിനായി ഫോണുകള്‍ അസംബ്ലിള്‍ ചെയ്യുന്ന ഫോക്സ്കോണിന്‍െറ ചെന്നൈയിലെ പ്ലാന്‍റില്‍ മേയ്ക്ക് ഇന്‍ ഇന്ത്യ പദ്ധതിയുടെ ഭാഗമായാണ് ഫോണ്‍ നിര്‍മിക്കുക.ആദ്യഘട്ടത്തില്‍ ഇന്ത്യയിലെ ഉപയോഗത്തിനുള്ള ഫോണുകളാകും ഇവിടെ അസംബ്ലിള്‍ ചെയ്യുക. രണ്ടാം ഘട്ടത്തില്‍ മറ്റ് രാജ്യങ്ങളിലേക്ക് ഇന്ത്യന്‍ നിര്‍മ്മിത ഫോണ്‍ കയറ്റുമതി ചെയ്യും. ചൈനക്ക് മേലുള്ള ആശ്രയം കുറക്കുകയാണ് ഇന്ത്യന്‍ നിര്‍മ്മിത ഐഫോണിലൂടെ ആപ്പിള്‍ ലക്ഷ്യമിടുന്നത്.അതേസമയം, ഐഫോണ്‍ 11ന്‍െറ വില ആപ്പിള്‍ തല്‍ക്കാലത്തേക്ക് കുറക്കില്ലെന്നാണ് റിപ്പോര്‍ട്ടുകള്‍. എന്നാല്‍, ഭാവിയില്‍ ഇക്കാര്യം കമ്ബനി പരിഗണിച്ചേക്കും. പ്രാദേശികമായി നിര്‍മ്മിച്ചാല്‍ ഇറക്കുമതി തീരുവയില്‍ 22 ശതമാനം ആപ്പിളിന് ലാഭിക്കാം.
ബംഗളൂരുവിലെ വിസ്ട്രണ്‍ പ്ലാന്‍റില്‍ ഐഫോണ്‍ എസ്.ഇ 2ന്‍െറ ഉല്‍പാദനവും തുടങ്ങുമെന്ന് കമ്ബനി പ്രതിനിധികള്‍ വ്യക്തമാക്കി. നേരത്തെ ഐഫോണ്‍ എസ്.ഇയുടെ നിര്‍മാണം ആപ്പിള്‍ തുടങ്ങിയെങ്കിലും പിന്നീട് നിര്‍ത്തുകയായിരുന്നു.ഇന്ത്യയില്‍ ഏറ്റവും കൂടുതല്‍ വിറ്റുപോകുന്ന ആപ്പിള്‍ മോഡലുകളിലൊന്നാണ് ഐഫോണ്‍ 11. ഐഫോണ്‍ XR, െഎഫോണ്‍ 7 എന്നിവയാണ് ഇന്ത്യയില്‍ തരംഗമായ മറ്റ് മോഡലുകള്‍. വൈകാതെ ഈ മോഡലുകളും ഇന്ത്യയില്‍ നിര്‍മ്മിക്കുമെന്നാണ് സൂചന.