രാജ്യത്തിന് ഇതുവരെ ലഭിച്ചതില്‍ വെച്ച്‌ ഏറ്റവും മോശം പ്രസിഡന്റാണ് ട്രംപ് എന്നാണ് വിമര്‍ശനം.യു.എസ് ഡെമോക്രാറ്റിക് കണ്‍വെന്‍ഷനെ അഭിസംബോധന ചെയ്യുന്നതിനിടെയായിരുന്നു അവരുടെ പരാമര്‍ശം.’വ്യക്തമായും സത്യമായും ഒരു കാര്യം ഞാന്‍ തുറന്നു പറയട്ടെ. ട്രംപ് നമ്മുടെ രാജ്യത്തിന് ലഭിച്ച ഏറ്റവും മോശമായ പ്രസിഡന്റായിരുന്നു. മറ്റുള്ളവരോട് യാതൊരു സഹാനുഭൂതിയും ദയയുമില്ലാത്തയാള്‍’- മിഷേല്‍ പറഞ്ഞു.രാജ്യത്തിന്റെ പൊതുനന്മയെ കരുതി നവംബറില്‍ നടക്കുന്ന പ്രസിഡന്റ് തെരഞ്ഞെടുപ്പില്‍ ട്രംപിനെ പരാജയപ്പെടുത്തേണ്ടത് അനിവാര്യമാണെന്നും അവര്‍ പറഞ്ഞു. ഈ തെരഞ്ഞെടുപ്പില്‍ അനിവാര്യമായ മാറ്റം സംഭവിച്ചില്ലെങ്കില്‍ കാര്യങ്ങള്‍ കൈവിട്ടുപോകുമെന്നും മിഷേല്‍ വ്യക്തമാക്കി.