4.02 കോടി രൂപയിലാണ് സൂപ്പര്‍കാറിന്റെ എക്‌സ്-ഷോറൂം വില ആരംഭിക്കുന്നത്.3.9 ലിറ്റര്‍ ട്വിന്‍-ടര്‍ബോചാര്‍ജ്ഡ് V8 എഞ്ചിനാണ് മോഡലിന്റെ ഹൃദയം. എഞ്ചില്‍ 710 bhp കരുത്തും 770 Nm torque ഉം പുറപ്പെടുവിക്കുന്നു. കേവലം 2.9 സെക്കന്‍ഡിനുള്ളില്‍ 100 കിലോമീറ്റര്‍ വേഗത കൈവരിക്കാന്‍ മോഡലിന് കഴിയും. മണിക്കൂറില്‍ 340 കിലോമീറ്ററാണ് വാഹനത്തിന്റെ പരമാവധി വേഗത.ഏഴ് ഇഞ്ച് ഡിസ്‌പ്ലേ, പുതിയ HMI (ഹ്യൂമന്‍ മെഷീന്‍ ഇന്റര്‍ഫേസ്) പുതിയ സ്റ്റിയറിംഗ് വീല്‍, പുതിയ റൗണ്ട് എയര്‍ ഇന്‍ടേക്കുകള്‍ എന്നിവ ഉള്‍പ്പെടുന്നതാണ് ഇന്റീരിയര്‍. കാര്‍ബണ്‍-ഫൈബര്‍, അല്‍കന്റാര ട്രിമ്മുകള്‍ എന്നിവ ഇന്റീരിയറിലുടനീളം കമ്ബനി ഒരുക്കിയിട്ടുണ്ട്.