ഒമാന്‍ വിദ്യാഭ്യാസ മന്ത്രാലയവും നാഷനല്‍ ബാങ്ക് ഒമാനും ഇതുസംബന്ധിച്ച ധാരണപത്രം ഒപ്പുവെച്ചു. കോവിഡ് മഹാമാരിയുടെ പശ്ചാത്തലത്തില്‍ സ്കൂളുകള്‍ പ്രവര്‍ത്തിക്കാത്ത സാഹചര്യത്തില്‍ ഇ-ലേണിങ് പ്രോത്സാഹിപ്പിക്കുന്നതിെന്‍റ ഭാഗമായാണ് പുതിയ സംവിധാനം യാഥാര്‍ഥ്യമാകുന്നത്.സ്കൂള്‍ വിദ്യാര്‍ഥികള്‍ക്കും അധ്യാപകര്‍ക്കും ഉപകാരപ്രദമായ വിവിധ പഠന സാമഗ്രികള്‍ ഇ-ലൈബ്രറിയില്‍ ലഭ്യമാകും. ബിരുദ വിദ്യാര്‍ഥികള്‍ക്ക് ഉപകാരപ്പെടുന്ന പഠന സാമഗ്രികള്‍ക്ക് ഒപ്പം ബിരുദാനന്തര ബിരുദ, ഡോക്ടറല്‍ പഠനത്തിനായി പ്രസിദ്ധീകൃതമായ ഗവേഷണ പ്രബന്ധങ്ങളും ഇ-ലൈബ്രറിയുടെ ഭാഗമായിരിക്കും. മൊബെല്‍ ആപ് മുഖേനയായിരിക്കും ഡിജിറ്റല്‍ ലൈബ്രറിയുടെ സേവനം ലഭ്യമാവുക. സമഗ്രമായ കണ്‍ട്രോള്‍ പാനല്‍, പബ്ലിഷിങ് സംവിധാനം എന്നിവയും ആപ്പിെന്‍റ ഭാഗമായി ഉണ്ടാകും. ഒമാനിലെയും വിദേശത്തെയും മറ്റ് ലൈബ്രറികളുമായും ആപ്പിനെ ബന്ധിപ്പിക്കും.ഇതോടൊപ്പം വിവിധ സ്ഥിതിവിവര കണക്കുകളും ഡിജിറ്റല്‍ സൂചകങ്ങളുമെല്ലാം ഇ-ലൈബ്രറിയില്‍ ലഭ്യമാകും. ലൈബ്രറിക്ക് ഒപ്പം ഇ-ലേണിങ് പ്ലാറ്റ്ഫോമും വിദ്യാഭ്യാസ മന്ത്രാലയം വികസിപ്പിച്ച്‌ എടുക്കുന്നുണ്ട്. വിദ്യാര്‍ഥികള്‍ക്ക് അസൈന്‍മെന്‍റുകള്‍ പങ്കുവെക്കാനും അവ അപ്ലോഡ് ചെയ്യാനും ഇൗ പ്ലാറ്റ്ഫോമില്‍ സൗകര്യമുണ്ടാകും. തങ്ങളുടെ കോര്‍പറേറ്റ് സാമൂഹിക ഉത്തരവാദിത്ത പദ്ധതികളില്‍ വിദ്യാഭ്യാസ മേഖലക്ക് പ്രധാന സ്ഥാനമാണ് ഉള്ളതെന്ന് എന്‍.ബി.ഒ ചീഫ് ഗവണ്‍മെന്‍റ് ബാങ്കിങ് ഒാഫിസര്‍ ഹസന്‍ ഷബാന്‍ പറഞ്ഞു.