മലയാളികളടക്കം നിരവധി പേര്‍ നിലവില്‍ തിരിച്ചെത്തിക്കഴിഞ്ഞു. നിരവധി പേര്‍ നാട്ടില്‍ കുടുങ്ങിയ കുടുംബങ്ങളെയും ഇതിനകം തിരിച്ചെത്തിച്ചിട്ടുണ്ട്. സെപ്റ്റംബര്‍ ഒന്നുമുതല്‍ സ്കൂളുകള്‍ തുറന്നുപ്രവര്‍ത്തിക്കുവെന്നതിനാല്‍ ഇത് മുന്‍കൂട്ടി കണ്ടും ആളുകള്‍ തിരിച്ചെത്തുകയാണ്. കോവിഡ്-19നെ തുടര്‍ന്ന് കേരളത്തില്‍ കുടുങ്ങിയ പ്രവാസികള്‍ക്ക് തിരികെ ദോഹയിലെത്താന്‍ സാമൂഹിക സംഘടനകളുടെ ചാര്‍ട്ടര്‍ വിമാനങ്ങളും തുണയാകുന്നുണ്ട്.കണ്ണൂര്‍ രാജ്യാന്തര വിമാനത്താവളത്തില്‍നിന്നും ദോഹയിലേക്കുള്ള വിമാനം കെ.എം.സി.സിയുടെ ആഭിമുഖ്യത്തില്‍ കഴിഞ്ഞ ആഴ്ച ചാര്‍ട്ടര്‍ ചെയ്തിരുന്നു. കോഴിക്കോട് വിമാനത്താവളത്തില്‍നിന്നുള്ള വിമാനത്തില്‍ സീറ്റുകള്‍ തരപ്പെടുത്തി നല്‍കാനും കെ.എം.സി.സി തുണയായി. 80 യാത്രക്കാര്‍ക്കാണ് ഇത്തരത്തില്‍ സീറ്റുകള്‍ തരപ്പെടുത്തിയത്. കൂത്തുപറമ്ബ് മണ്ഡലം കെ.എം.സി.സി ഏര്‍പ്പെടുത്തിയ ചാര്‍ട്ടര്‍ വിമാനത്തില്‍ 110 യാത്രക്കാര്‍ക്ക് ദോഹയിലെത്താനായി. യാത്രക്ക് മുമ്ബ് യാത്രക്കാര്‍ക്കായി കോവിഡ്-19 സ്പെഷല്‍ ടെസ്റ്റ് ക്യാമ്ബുകളും സര്‍ട്ടിഫിക്കേഷന്‍ പരിപാടികളും കെ.എം.സി.സിയുടെ നേതൃത്വത്തില്‍ നടക്കുന്നുണ്ട്. ഖത്തറും ഇന്ത്യയും തമ്മിലുള്ള ഇരുരാജ്യങ്ങളിലേക്കും പ്രത്യേക വിമാനസര്‍വിസുകള്‍ നടത്താനുള്ള എയര്‍ബബ്ള്‍ കരാറിന്‍െറ കാലാവധി ഒക്ടോബര്‍ 31 വരെ നീട്ടിയത് കഴിഞ്ഞ ദിവസമാണ്.ഇൗ തീരുമാനവും നാട്ടില്‍ കുടുങ്ങിയവര്‍ക്ക് ഏറെ ആശ്വാസമായിട്ടുണ്ട്. കോവിഡ് പ്രതിസന്ധിയില്‍ ഇന്ത്യക്കാര്‍ക്ക് ഖത്തറിലേക്ക് യാത്ര ചെയ്യാന്‍ വഴിയൊരുക്കിയ എയര്‍ബബ്ള്‍ കരാര്‍ ആഗസ്റ്റ് 18നാണ് പ്രാബല്യത്തില്‍ വന്നത്. ആഗസ്റ്റ് 31വരെയുള്ള കരാര്‍ ആണ് ഇപ്പോള്‍ ഒക്ടോബര്‍ 31 വരെ നീട്ടിയിരിക്കുന്നത്. ആകെയുള്ള മൊത്തം സീറ്റുകള്‍ ഇന്ത്യന്‍ കമ്ബനികളും ഖത്തര്‍ എയര്‍വേസും പങ്കുവെച്ചാണ് സര്‍വിസ്. ഖത്തര്‍ വിസയുള്ള ഏത് ഇന്ത്യക്കാരനും ഖത്തറിലേക്ക് മടങ്ങിയെത്താം. ഖത്തരി പൗരന്മാര്‍ക്കും യാത്ര ചെയ്യാം. എന്നാല്‍, ഖത്തറിലേക്ക് മാത്രമുള്ളവരാകണം യാത്രക്കാര്‍. ആഗസ്റ്റ് ഒന്നുമുതല്‍ ഐഡി കാലാവധി കഴിഞ്ഞ ഇന്ത്യക്കാര്‍ റീ എന്‍ട്രി പെര്‍മിറ്റ് എടുത്ത് ഖത്തറിലേക്ക് മടങ്ങിയെത്തുന്നുണ്ട്. https://portal.www.gov.qa/wps/portal/qsports/home എന്ന ഖത്തര്‍ പോര്‍ട്ടല്‍ വഴിയാണ് പെര്‍മിറ്റിന് അപേക്ഷ നല്‍കേണ്ടത്. വിസാകാലാവധി കഴിഞ്ഞവര്‍ക്കുള്ള ഫീസ് ഖത്തര്‍ ഒഴിവാക്കിയിട്ടുമുണ്ട്. ആഗസ്റ്റ് ഒന്നുമുതല്‍ ഐഡി കാലാവധി കഴിഞ്ഞ ഇന്ത്യക്കാര്‍ക്കടക്കം റീ എന്‍ട്രി പെര്‍മിറ്റ് എടുത്ത് ഖത്തറിലേക്ക് മടങ്ങാനുള്ള അനുമതിയുണ്ട്. എന്നാല്‍, മറ്റ് രാജ്യങ്ങളിലേക്കുള്ള വിമാനസര്‍വിസുകള്‍ക്കുള്ള വിലക്ക് ഇന്ത്യ ആഗസ്റ്റ് 31 വരെ നീട്ടിയതോടെ ഇന്ത്യക്കാരുടെ മടക്കം അനിശ്ചിത്വത്തിലായിരുന്നു.ഇരുരാജ്യങ്ങളും തമ്മില്‍ പ്രത്യേക കരാര്‍ ഉണ്ടാക്കണമെന്ന് ശക്തമായ ആവശ്യങ്ങള്‍ ഉയര്‍ന്നിരുന്നു. എയര്‍ബബിള്‍ കരാര്‍ നിലവില്‍ വന്നതോടെ നാട്ടില്‍ കുടുങ്ങിക്കിടക്കുന്ന ഇന്ത്യക്കാര്‍ക്ക് ഏറെ ആശ്വാസമാണ് ഉണ്ടായത്.