ഏഷ്യന്‍ കപ്പ് 2021ലേക്ക് മാറ്റാനുള്ള പ്രാഥമിക ചര്‍ച്ചകള്‍ എ എഫ് സി ആരംഭിച്ചു. കൊറോണ കാരണം എല്ലാ രാജ്യങ്ങളും പ്രതിരോധത്തില്‍ തന്നെ ഇരിക്കെ യുവതാരങ്ങളെ കളത്തില്‍ ഇറക്കുന്നത് സുരക്ഷിതമല്ല എന്നതാണ് ടൂര്‍ണമെന്റ് മാറ്റുന്നതിനെ കുറിച്ച്‌ ആലോചിക്കാനുള്ള കാരണം. ഈ നവംബറില്‍ ആയിരുന്നു U-16 ഏഷ്യന്‍ കപ്പ് നടക്കേണ്ടിയിരുന്നത്.ഇന്ത്യ സാധ്യതാ ടീമിനെ വരെ പ്രഖ്യാപിച്ചിരുന്നു. പക്ഷെ കൊറോണ കാരണം ക്യാമ്ബ് തുടങ്ങാനോ നേരത്തെ പദ്ധതിയിട്ടിരുന്ന വിദേശ പര്യടനങ്ങള്‍ നടത്താനോ ഇന്ത്യക്ക് ആയിരുന്നില്ല. കടുപ്പമുള്ള ഗ്രൂപ്പില്‍ ആണ് ഇന്ത്യഎന്നത് കൊണ്ട് തന്നെ അധികം ഒരുങ്ങാതെ ടൂര്‍ണമെന്റിനു പോയാല്‍ ഇന്ത്യ വലിയ തിരിച്ചടി നേരിടേണ്ടി വന്നേനെ. എന്തായാലും ടൂര്‍ണമെന്റ് മാറ്റി വെക്കുന്നത് ഇന്ത്യക്ക് ഏറെ ആശ്വാസമുള്ള വാര്‍ത്തയാണ്. ഗ്രൂപ്പ് സിയില്‍ ഓസ്ട്രേലിയ, കൊറിയ, ഉസ്ബെക്കിസ്ഥാന്‍ എന്നിവര്‍ക്ക് എതിരെ ആണ് ഇന്ത്യന്‍ ഏഷ്യന്‍ കപ്പില്‍ ഇറങ്ങേണ്ടത്.