ഇപ്പോഴിതാ സുശാന്തിനെ കുറിച്ച്‌ ഒരു ദേശീയ മാദ്ധ്യമത്തില്‍ പുതിയ വെളിപ്പെടുത്തലുമായി എത്തുകയാണ് റിയ.തന്റെ ചിത്രങ്ങളില്‍ നന്നായി അഭിനയിച്ചിട്ടും ആ ചിത്രങ്ങള്‍ സാമ്ബത്തിക ലാഭമുണ്ടാക്കിയിട്ടും ശ്രദ്ധിക്കപ്പെട്ടിട്ടും ഒരു ചിത്രത്തില്‍ പോലും അവാര്‍ഡി ലഭിക്കാത്തതില്‍ സുശാന്ത് വളരെ അസ്വസ്‌ഥനായിരുന്നു എന്ന് റിയ പറഞ്ഞു. 2018ല്‍ ‘മി ടൂ’ ആരോപണങ്ങള്‍ രാജ്യത്ത് ശ്രദ്ധിക്കപ്പെട്ടിരുന്ന സമയത്ത് സുശാന്തിനെതിരെ ‘ദില്‍ ബേച്ചാര’ ചിത്രത്തിലെ സഹതാരമായ സഞ്ജന സാംഘ്‌വി ആരോപണം ഉന്നയിച്ചിരുന്നു. ഇത് സുശാന്തിനെ വല്ലാതെ തളര്‍ച്ചിയിരുന്നുവെന്നും തനിക്ക് ആപത്തുണ്ടാകുമെന്ന് സുശാന്ത് ഭയന്നിരുന്നു എന്നും റിയ ചക്രബര്‍ത്തി വെളിപ്പെടുത്തി.ഈ ആരോപണങ്ങള്‍ക്ക് പിന്നില്‍ ആരോ ഉണ്ടായിരുന്നതായി സുശാന്ത് കരുതി. ‘അവര്‍’ എന്നാണ് അതിനുപിന്നിലുള‌ളവരെ കുറിച്ച്‌ പറഞ്ഞിരുന്നത്. എന്നാല്‍ അവര്‍ ആരാണെന്ന് തനിക്കറിയില്ലെന്നും റിയ അഭിപ്രായപ്പെട്ടു.ബോളിവുഡ് ഒരു വിഷമം പിടിച്ച സിനിമ ലോകമാണ്. അവിടെ ഉയര്‍ച്ചയുണ്ടായാല്‍ വളരെ ഉയരത്തിലും താഴ്‌ചയുണ്ടായാല്‍ തീരെ താഴ്‌ന്നുമാണ്. അത്തരം കാര്യങ്ങളും മി ടൂ ഉള്‍പ്പടെ പ്രശ്‌നങ്ങളും സുശാന്തിന്റെ മനസിനെ വല്ലാതെ ഉലച്ചിരുന്നതായി റിയ പറയുന്നു. മി ടൂ ആരോപണം സഹതാരമായ സഞ്ജന തന്നെ പിന്നീട് വിശദീകരണം നല്‍കിയതോടെ ഇല്ലാതായി. സഹതാരങ്ങളോട് ബഹുമാനത്തോടെ പെരുമാറിയിരുന്നയാളാണ് സുശാന്ത് എന്ന് റിയ പറഞ്ഞു. താന്‍ കണ്ടിട്ടുള‌ളതില്‍ വച്ച്‌ ഏ‌റ്റവും നല്ല മനുഷ്യന്‍ സുശാന്ത് ആണെന്നും മി ടൂ ആരോപണ സമയത്ത് സഞ്ജനയെ സുശാന്തിന് ഭയമായിരുന്നുവെന്നും. ഇപ്പോള്‍ അതേ സാഹചര്യത്തിലൂടെ പോകുന്ന എനിക്ക് അദ്ദേഹത്തിന്റെ അവസ്ഥ മനസിലാകുമെന്നും റിയ പറയുന്നു.’എനിക്ക് ഇപ്പോഴും സുശാന്ത് മരിച്ചെന്ന് വിശ്വസിക്കാനാകുന്നില്ല. ഞാന്‍ കണ്ടതില്‍ വച്ച്‌ ഏ‌റ്റവും സുന്ദരനും നല്ലവനുമായ മനുഷ്യനുമായിരുന്നു അവന്‍. പാവങ്ങളെ സഹായിക്കണമെന്ന് സുശാന്ത് ആഗ്രഹിച്ചിരുന്നു. എനിക്ക് അവനെ ഓര്‍ത്ത് വലിയ അഭിമാനമായിരുന്നു. ഞങ്ങളുടെ ബന്ധം കഥകളിലെ പോലെ ആയിരുന്നു. എന്നാല്‍ ഞങ്ങള്‍ക്കിടയില്‍ അഭിപ്രായ വ്യത്യാസമുണ്ടായിരുന്നു.’ റിയ പറയുന്നു.വിഷാദ രോഗത്തോട് പൊരുതുകയായിരുന്നു സുശാന്ത്. ആ അവസ്ഥയോട് പൊരുതുന്ന ഒരാളെ ജനങ്ങള്‍ തെ‌റ്റായാണ് മനസ്സിലാക്കുക. ലോക്‌ഡൗണ്‍ കാലത്ത് അവന്റെ അവസ്ഥ തീരെ മോശമായി.എങ്കിലും പുറ‌ത്ത് എല്ലാവരോടും സുശാന്ത് നല്ല രീതിയിലാണ് പെരുമാറിയിരുന്നതെന്നും റിയ ചക്രബര്‍ത്തി പറഞ്ഞു.