കഴിഞ്ഞ സീസണില്‍ 13 ഗോളുകളും 20 അസിസ്റ്റുകള്‍ നേടി റെക്കോര്‍ഡും നേടിയ ബെല്‍ജിയം താരം പ്രൊഫഷണല്‍ ഫുട്‌ബോളേഴ്‌സ് അസോസിയേഷന്‍ അവാര്‍ഡ് നേടിയ ആദ്യത്തെ സിറ്റി കളിക്കാരനായി മാറിയിരിക്കുകയാണ്.അതേസമയം ക്രിയേറ്റീവ് ആകാനുള്ള സ്വാതന്ത്ര്യം നല്‍കിയതിന് ക്രെഡിറ്റ് ഡിബ്രൂയിന്‍ മാനേജര്‍ പെപ് ഗ്വാര്‍ഡിയോളയ്ക്ക് നല്‍കി. ‘മിക്കപ്പോഴും അദ്ദേഹം ഞാന്‍ ആകാന്‍ എന്നെ അനുവദിക്കുന്നു, ഞങ്ങള്‍ ടീമിനെക്കുറിച്ച്‌ പലപ്പോഴും സംസാരിക്കാറുണ്ട്, പക്ഷേ അദ്ദേഹത്തിന് ടീമിനെ കുറിച്ച്‌ വ്യക്തമായ കാഴ്ചപ്പാടുണ്ട്. ആര് എങ്ങനെ കളിക്കണം എന്നതിനെ കുറിച്ചെല്ലാം എന്നാല്‍ അദ്ദേഹം എനിക്ക് ധാരാളം സ്വാതന്ത്ര്യം നല്‍കുന്നു; എന്തുകൊണ്ടെന്ന് എനിക്കറിയില്ല, ഒരു തരത്തില്‍ ഞാന്‍ ടീമിനെ ഒന്നാമതെത്തിക്കുമെന്ന് അദ്ദേഹത്തിനറിയാം, ഗ്വാര്‍ഡിയോളയെ കുറിച്ച്‌ ഡി ബ്രൂയിന് പറഞ്ഞു.കഴിഞ്ഞ രണ്ട് സീസണുകളില്‍ ലിവര്‍പൂള്‍ കളിക്കാരായ വിര്‍ജില്‍ വാന്‍ ഡിജ്ക് (2019), മുഹമ്മദ് സല (2018) എന്നിവരായിരുന്നു അവാര്‍ഡ് നേടിയത്. ഇത്തവണ സഹതാരങ്ങളായ സാഡിയോ മാനെ, ജോര്‍ദാന്‍ ഹെന്‍ഡേഴ്‌സണ്‍, ട്രെന്റ് അലക്‌സാണ്ടര്‍-അര്‍നോള്‍ഡ് എന്നിവര്‍ക്കൊപ്പം വാന്‍ ഡിജ്ക് വീണ്ടും ഷോര്‍ട്ട്ലിസ്റ്റില്‍ ഇടം നേടി.ഇംഗ്ലീഷ് ഫുട്‌ബോളില്‍ ടീമിന്റെ സമീപകാല ആധിപത്യത്തെത്തുടര്‍ന്ന് സിറ്റി താരത്തിന് ഒടുവില്‍ അവാര്‍ഡ് നേടുന്നതിന് തന്റെ സഹതാരം റഹീം സ്റ്റെര്‍ലിങ്ങിന്റെ വെല്ലുവിളിയെയും നേരിട്ടു. ‘ഞാന്‍ സിറ്റിയിലെ ആദ്യത്തെയാളാണെന്നത് വിചിത്രമായിരിക്കാം,’ ഡി ബ്രൂയിന് പറഞ്ഞു, ‘മുമ്ബ് അവിടെ കളിച്ചതും ഇപ്പോഴും കളിക്കുന്നതുമായ എല്ലാ നല്ല കളിക്കാരെയും കണ്ടു. എന്നാല്‍ ക്ലബിനെ പ്രതിനിധീകരിക്കുന്നതില്‍ സന്തോഷമുണ്ട്. ‘ അദ്ദേഹം പറഞ്ഞു.
എല്ലാ മത്സരങ്ങളിലും കൂടി 21 ഗോളുകള്‍ നേടി വനിതാ സൂപ്പര്‍ ലീഗും ലീഗ് കപ്പും പിടിച്ചെടുക്കാന്‍ ചെല്‍സിയെ സഹായിച്ച ബെത്ത് ഇംഗ്ലണ്ട് വനിതാ പ്ലെയര്‍ ഓഫ് ദ ഇയര്‍ അവാര്‍ഡ് നേടി.ഈ വര്‍ഷത്തെ പ്രീമിയര്‍ ലീഗ് ടീം: നിക്ക് പോപ്പ് (ബര്‍ണ്‍ലി); ട്രെന്റ് അലക്‌സാണ്ടര്‍-അര്‍നോള്‍ഡ് (ലിവര്‍പൂള്‍), വിര്‍ജില്‍ വാന്‍ ഡിജ്ക് (ലിവര്‍പൂള്‍), കാഗ്ലര്‍ സോയന്‍കു (ലീസസ്റ്റര്‍), ആന്‍ഡ്രൂ റോബര്‍ട്ട്‌സണ്‍ (ലിവര്‍പൂള്‍); ഡേവിഡ് സില്‍വ (മാഞ്ചസ്റ്റര്‍ സിറ്റി), ജോര്‍ദാന്‍ ഹെന്‍ഡേഴ്‌സണ്‍ (ലിവര്‍പൂള്‍), കെവിന്‍ ഡി ബ്രൂയിന് (മാഞ്ചസ്റ്റര്‍ സിറ്റി); ജാമി വര്‍ഡി (ലീസസ്റ്റര്‍), പിയറി-എമെറിക് ഓബാമേയാങ് (ആഴ്‌സണല്‍), സാഡിയോ മാനെ (ലിവര്‍പൂള്‍).ഈ വര്‍ഷത്തെ വനിതാ സൂപ്പര്‍ ലീഗ് ടീം: ആന്‍-കാട്രിന്‍ ബെര്‍ഗര്‍ (ചെല്‍സി); മാരന്‍ എംജെല്‍ഡെ (ചെല്‍സി), ലിയ വില്യംസണ്‍ (ആഴ്‌സണല്‍), മില്ലി ബ്രൈറ്റ് (ചെല്‍സി), മഗ്ഡലീന എറിക്‌സണ്‍ (ചെല്‍സി); കരോലിന്‍ വെയര്‍ (മാന്‍ സിറ്റി), കിം ലിറ്റില്‍ (ആഴ്‌സണല്‍), ജി സോ-യുന്‍ (ചെല്‍സി); ബെത്ത് ഇംഗ്ലണ്ട് (ചെല്‍സി), വിവിയാന്‍ മിഡെമ (ആഴ്‌സണല്‍), ക്ലോയി കെല്ലി (മാന്‍ സിറ്റി).