കോവിഡിന്റെ പശ്ചാത്തലത്തിൽ സമാധാനം എന്ന വാക്കിന് ഇന്ന് ലോകത്ത് വളരെ ഏറെ പ്രസക്തിയാണ് ഉള്ളത്. നിരീക്ഷണത്തിലൂടെ സമാധാനത്തിന്റെ ആശയങ്ങൾ ശക്തിപ്പെടുത്തുന്നതിനായി നീക്കിവച്ച ദിവസമായാണ് യുഎൻ പൊതുസഭ സെപ്റ്റംബർ 21 ന് അന്താരാഷ്ട്ര സമാധാന ദിനമായി പ്രഖ്യാപിച്ചത്. എല്ലാ രാജ്യങ്ങള്‍ക്കും ജനങ്ങള്‍ക്കും ഇടയിൽ സമാധാനം ഉറപ്പ് വരുത്തുകയാണ് ഈ ദിനം ആചരിക്കുന്നതിന്‍റെ ലക്ഷ്യം.1981-ല്‍ ഐക്യരാഷ്ട്രസഭ ജനറല്‍ അസംബ്ലിയില്‍ അംഗീകരിച്ച പ്രമേയമായിരുന്നു ലോകത്തിലെ 193 അംഗ രാജ്യങ്ങളും സമാധാനത്തിന് വേണ്ടി ഒരു ദിനം ആചരിക്കണം എന്ന തീരുമാനം.അന്താരാഷ്ട്രബന്ധങ്ങളിൽ സാമാധാനകാലം എന്നത് യുദ്ധമില്ലായ്മ മാത്രമല്ല സാംസ്കാരികവും സാമ്പത്തികവുമായ മനസ്സിലാക്കലും ഐക്യതയും ഉള്ള അവസ്ഥകൂടിയാണ്.മനശാസ്ത്രപരമായി സമാധാനം എന്നത് ശാന്തവും ക്ലേശങ്ങളില്ലാത്തതുമായ മാനസികാവസ്ഥയാണ്. എന്നൽ ഈ കവിഡ് കാലത്ത് പല രാജ്യങ്ങൾക്കും നഷ്ടമായിരികുന്നത് ഈ അവസ്ഥ തന്നെയാണ്. ഇത് മറ്റേതിൽ നിന്നും വ്യത്യസ്തമായി ഒരു ആഗോള ആരോഗ്യ പ്രതിസന്ധിയാണ്. നിലവിലുള്ള മാനുഷിക പ്രതിസന്ധികളെ അഭിമുഖീകരിക്കുന്ന, ദുർബലമായ ആരോഗ്യ സംവിധാനങ്ങളുള്ള രാജ്യങ്ങളിലെ ദുർബലരായ ജനസംഖ്യ വലിയ അപകടത്തിലാണ്.അന്താരാഷ്ട്ര സമാധാന ദിനത്തിന്റെ 2020 തീം “ഒരുമിച്ച് സമാധാനം രൂപപ്പെടുത്തുക” എന്നതാണ്. പകർച്ചവ്യാധിയുടെ മുഖത്ത് അനുകമ്പയും ദയയും പ്രത്യാശയും പ്രചരിപ്പിച്ച് ദിവസം ആഘോഷിക്കുക എന്നതാണ്.
Muhzin S Ubais
Email muhzinasubais@gmail.com