ബാഴ്സലോണ: ക്ലബുമായി കൊമ്ബുകോര്‍ത്തതെല്ലാം മറന്ന് സൂപ്പര്‍ താരം ലയണല്‍ മെസ്സി ബാഴ്സക്കായി വീണ്ടും ബൂട്ടുകെട്ടി. സന്നാഹ മത്സരത്തില്‍ ജിംനാസ്റ്റിക്കിനെതിരെ 45 മിനിറ്റാണ് സൂപ്പര്‍ താരം കളിച്ചത്.മത്സരത്തില്‍ 3-1ന് ബാഴ്സലോണ ജയിക്കുകയും ചെയ്തു. ഉസ്മാനെ ഡെംബലെ, അേന്‍റായിന്‍ ഗ്രീസ്മാന്‍, കുട്ടീന്യോ എന്നിവരാണ് ബാഴ്സക്കായി സ്കോര്‍ ചെയ്തത്.റോണാള്‍ഡ് കോമാന്‍െറ ആദ്യ ഇലവനില്‍ തന്നെ മെസ്സി ഇടം പിടിച്ചു. മെസ്സിക്കൊപ്പം മുന്നേറ്റത്തില്‍ ഉസ്മാനെ ഡെംബലെയും അേന്‍റായിന്‍ ഗ്രീസ്മാനുമുണ്ടായിരുന്നു. ആദ്യ പകുതിക്ക് ശേഷം അര്‍ജന്‍റീനന്‍ താരം കളം വിടുകയും ചെയ്തു.ട്രാന്‍സ്ഫര്‍ അഭ്യൂഹങ്ങളെല്ലാം അവസാനിപ്പിച്ച്‌ ക്ലബില്‍ തന്നെ തുടരുകയാണെന്ന് മെസ്സി തീരുമാനിച്ചതിനുശേഷം ആദ്യ മത്സരമായിരുന്നു ഇത്. ‘മനസില്ലാ മനസ്സോടെയാണ്’ ബാഴ്സക്കു വേണ്ടി താരം വീണ്ടും കളത്തിലിറങ്ങിയത്. ബാഴ്സ വിട്ട് മാഞ്ചസ്റ്റര്‍ സിറ്റിയിലേക്ക് മാറാനായിരുന്നു താരത്തിന്‍െറ തീരുമാനം. ട്രാസ്ഫര്‍ ഏറെക്കുറെ ഉറപ്പായിരുന്നെങ്കിലും റിലീസ് ക്ലോസ് തുകയുമായി ബന്ധപ്പെട്ട പ്രശ്നങ്ങളാണ് മെസ്സിയുടെ ക്ലബ് വിടുന്നതിനെ ബാധിച്ചത്. വന്‍ തുക തന്നാല്‍ മാത്രമെ മെസ്സിയെ വിട്ടു നല്‍കൂവെന്നായിരുന്നു ബാഴ്സയുടെ നിലപാട്.