ചൊവ്വാഴ്ച നടക്കുന്ന വോട്ടെടുപ്പില് ആറ് കോടിയാളുകള്‍ കൂടി വോട്ട് ചെയ്യുന്നതോടെ ഈ വര്‍ഷത്തെ തെരഞ്ഞെടുപ്പ് റെക്കോഡ് പട്ടികയില്‍ ഇടം നേടിയേക്കും.16 കോടിയാളുകള്‍ പ്രസിഡന്‍റ് തെരഞ്ഞെടുപ്പില്‍ സമ്മതിദാനവകാശം വിനിയോഗിക്കുന്നത് റെക്കോഡാണെന്ന് ഫ്ലോറിഡ സര്‍വകലാശാലയിലെ പൊളിറ്റിക്കല്‍ സയന്‍സ് വിഭാഗം അസോസിയേറ്റ് പ്രഫസറായ മൈക്കല്‍ പി. മക്ഡൊണാള്‍ഡ് പറഞ്ഞു.
നേരത്തെ രേഖപ്പെടുത്തുന്ന വോട്ടുകള്‍ ട്രാക്ക് ചെയ്യുന്ന പ്രെജക്ടിെന്‍റ ചുമതലക്കാരനാണ് ഇദ്ദേഹം. യു.എസ് തെരഞ്ഞെടുപ്പ് പ്രൊജക്ടിെന്‍റ കണക്കുകള്‍ അനുസരിച്ച്‌ 23.9 കോടിയാളുകള്‍ക്ക് വോട്ടവകാശം ഉണ്ട്. ചില സംസ്ഥാനങ്ങളില്‍ 2016 തെരഞ്ഞെടുപ്പിനേക്കാള്‍ കൂടുതലോ അല്ലെങ്കില്‍ അതിനടുത്തോ വോട്ടിങ് ഇതിനോടകം രേഖപ്പെടുത്തിയിട്ടുണ്ട്.അവസാനത്തെ മൂന്ന് സംസ്ഥാനങ്ങളായ ഹവായ്, ടെക്സാസ്, മോണ്ടാന എന്നിവിടങ്ങള്‍ 2016ലെ കണക്കുകള്‍ മറികടന്നിരിക്കുകയാണ്. നോര്‍ത്ത് കരോലിന, ജോര്‍ജിയ, ന്യൂ മെക്സികോ, നെവാഡ, ടെന്നിസി എന്നീ സംസ്ഥാനങ്ങളില്‍ 2016ല്‍ രേഖപ്പെടുത്തിയ വോട്ടിെന്‍റ 90 ശതമാനം ഇതിനോടകം പോള്‍ ചെയ്ത് കഴിഞ്ഞതായാണ് വിവരം.നേരത്തെയുള്ള വോട്ടുകള്‍ ഡെമോക്രാറ്റ് സ്ഥാനാര്‍ഥി ജോ ബൈഡന് ഗുണം ചെയ്യുമെന്നാണ് മക്ഡൊണാള്‍ഡിെന്‍റ വിലയിരുത്തല്‍. മെയിലിലൂടെയും അല്ലതെയുമുള്ള വോട്ടുകളിലെ വര്‍ധനവ് തങ്ങള്‍ക്ക് അനുകൂലമാണെന്ന ശുഭാപ്തി വിശ്വാസത്തിലാണ് ഡെമോക്രാറ്റുകള്‍. എന്നാല്‍ റിപബ്ലിക്കന്‍ പാര്‍ട്ടിക്കാരും പ്രതീക്ഷ കൈവിടുന്നില്ല. 2016ലെ പോലെ തന്നെ ഫ്ലോറിഡ, നോര്‍ത്ത് കരോലിന എന്നീ സംസ്ഥാനങ്ങളില്‍ ഇഞ്ചോടിഞ്ച് പോരാട്ടം വിധി നിര്‍ണയിക്കും.