കുവൈത്ത് സിറ്റി: ഇൗ ആഴ്ച ശക്തമായ മഴയുണ്ടാവുമെന്ന് നേരത്തെ കാലവാസ്ഥ വകുപ്പ് പ്രവചിച്ചിരുന്നു. വരുംദിവസങ്ങളില്‍ പതിയെ കാലാവസ്ഥ തണുപ്പിലേക്ക് മാറിത്തുടങ്ങും. ചൂടും തണുപ്പും മിതമായ നല്ല കാലാവസ്ഥയായിരുന്നു ഇതുവരെ. അടുത്തയാഴ്ചയോടെ അന്തരീക്ഷ ഉൗഷ്മാവ് ക്രമേണ കുറഞ്ഞുതുടങ്ങുമെന്നാണ് വിലയിരുത്തല്‍.കാഴ്ച മറയ്ക്കുന്ന പൊടിക്കാറ്റ് വീശിയെങ്കിലും രാത്രിയില്‍ റോഡില്‍ അധികം വാഹനങ്ങള്‍ ഉണ്ടായിരുന്നില്ല. അപകടങ്ങളൊന്നും റിപ്പോര്‍ട്ട് ചെയ്തിട്ടില്ല. ഇൗ മാസം അവസാനത്തോടെ താപനില ഗണ്യമായി കുറയും. ഡിസംബറില്‍ തണുപ്പ് ശക്തിപ്രാപിക്കും. പതിവുപോലെ ജനുവരിയില്‍തന്നെയായിരിക്കും അസഹ്യമായ തണുപ്പ് അനുഭവപ്പെടുക. അന്തരീക്ഷ ഊഷ്മാവ് ഗണ്യമായ തോതില്‍ കുറയുന്ന അതിരാവിലെയും രാത്രിയിലും പ്രതിരോധ വസ്ത്രങ്ങള്‍ ധരിക്കാതെ പുറത്തിറങ്ങാന്‍ സാധിക്കില്ല.