‘റോപ്വേ’ ഗതാഗതം ആരംഭിക്കുന്നതിെന്‍റ പ്രാഥമികഘട്ട നടപടികള്‍ക്ക് റോഡ് ഗതഗാത അതോറിറ്റി (ആര്‍.ടി.എ)യും ഫ്രഞ്ച് കമ്ബനിയായ എം.എന്‍.ഡിയും കരാറില്‍ ഒപ്പുവെച്ചു.കയറുകളിലൂടെ സഞ്ചരിക്കുന്ന സ്വയം ഓടിക്കാവുന്ന കാബിനുകളാണ് നിര്‍മിക്കാന്‍ പദ്ധതിയിടുന്നത്. ഇത് മണിക്കൂറില്‍ 45 കിലോമീറ്റര്‍ വേഗതയില്‍ സഞ്ചരിക്കും. റോപ്വേ ഗതാഗതത്തില്‍ ഫ്രാന്‍സിലെ ശ്രദ്ധേയ കമ്ബനിയായ എം.എന്‍.ഡിയുടെ കാബ്ലൈന് സംവിധാനമാണ് നടപ്പാക്കാന്‍ ഉദ്ദേശിക്കുന്നത്.പൂര്‍ണമായും ഓട്ടോമാറ്റിക് ആയ ഡ്രൈവറില്ലാത്ത സംവിധാനമാണിത്. പദ്ധതിയുടെ പ്രാഥമികഘട്ട പഠനത്തിനും പ്രവര്‍ത്തനങ്ങള്‍ക്കുമുള്ള ധാരണപത്രമാണ് ഒപ്പുവെച്ചിരിക്കുന്നത്. നിലവില്‍ ഷാര്‍ജയില്‍ റോപ്വേ ഗതാഗത സംവിധാന പദ്ധതി പരീക്ഷണാടിസ്ഥാനത്തില്‍ ആരംഭിച്ചിട്ടുണ്ട്.ഫ്രഞ്ച് ആല്‍പ്‌സ് പ്രദേശം ആസ്ഥാനമായ തങ്ങളുടെ റോപ്വേ ഡിസൈന്‍ സെന്‍ററില്‍ വികസിപ്പിക്കുന്ന കാബ്ലൈന് സാങ്കേതികവിദ്യ പുതിയ നഗര ഗതാഗത അനുഭവത്തിന് കാരണമാകുമെന്ന് പ്രതീക്ഷിക്കുന്നതായി എം.എന്‍.ഡി സി.ഇ.ഒ സാവിയര്‍ ഗാലറ്റ് ലാവല്ലെ പറഞ്ഞു. കമ്ബനിയുടെ എന്‍ജിനീയറിങ് ടീം കഴിഞ്ഞ വര്‍ഷങ്ങളില്‍ ഇതിെന്‍റ ഡിസൈനിന് അന്തിമരൂപം നല്‍കാനും നഗര സഞ്ചാരം കുറക്കാന്‍ സാങ്കേതികവിദ്യ ഉപയോഗിക്കാനും പരിശ്രമിക്കുകയായിരുന്നെന്നും അദ്ദേഹം പറഞ്ഞു.പരമ്ബരാഗത റോപ്വേ ഗതാഗത സംവിധാനങ്ങളില്‍നിന്ന് വ്യത്യസ്തമായി ആധുനികവും ഭംഗിയുള്ളതും ഉൗര്‍ജ ഉപയോഗം കുറഞ്ഞതുമായ സംവിധാനമാണ് തങ്ങളുടേതെന്ന് കമ്ബനി അവകാശപ്പെടുന്നു. ഫ്രഞ്ച് സര്‍ക്കാറിെന്‍റ സുസ്ഥിര വികസന വകുപ്പുമായി സഹകരിച്ചാണ് കമ്ബനി റോപ്വേ മോഡല്‍ വികസിപ്പിച്ചത്.2030ഓടെ നഗരത്തിലെ 25 ശതമാനം ഗതാഗത സംവിധാനങ്ങളും യാത്രക്കാര്‍ക്ക് സ്വയം ഓടിക്കാന്‍ കഴിയുന്നതാക്കാന്‍ ലക്ഷ്യമിട്ട് രൂപപ്പെടുത്തിയ പദ്ധതിയുടെ ഭാഗമായാണ് കരാറില്‍ ആര്‍.ടി.എ ഒപ്പുവെച്ചത്.ഈ ലക്ഷ്യം സാക്ഷാത്കരിക്കുന്നതിന് നൂതന ഗതാഗത സംവിധാനങ്ങള്‍ വികസിപ്പിക്കുകയും ദുബൈയിലെ സുസ്ഥിര ഗതാഗത ശൃംഖല മെച്ചപ്പെടുത്തുകയും ചെയ്യണമെന്ന് ആര്‍.ടി.എയുടെ റെയില്‍ ഏജന്‍സി സി.ഇ.ഒ ആയ അബ്ദുല്‍ മുഹ്സിന്‍ ഇബ്രാഹീം യൂനസ് പറഞ്ഞു.