കഴിഞ്ഞ വര്ഷം ഡിസംബറിലാണ് ചിത്രത്തിന്റെ ഷൂട്ടിംഗ് ആരംഭിച്ചത്. നാഗ് അശ്വിന്‍ സംവിധാനം ചെയ്ത ചിത്രത്തിന് പ്രൊജക്റ്റ് കെ എന്നാണ് ഈ സയന്‍സ് ഫിക്ഷന്‍ സിനിമയുടെ താല്‍ക്കാലിക പേര്.പൂജ ഹെഗ്‌ഡെയ്‌ക്കൊപ്പം രാധേ ശ്യാമില്‍ അവസാനമായി അഭിനയിച്ച പ്രഭാസ് അടുത്ത ആഴ്ച തന്റെ സോളോ ഭാഗത്തിന്റെ ഷൂട്ടിംഗ് ആരംഭിക്കും. അടുത്ത ആഴ്ച ഹൈദരാബാദില്‍ ഒരാഴ്ചത്തെ ഷെഡ്യൂളില്‍ നാഗ് അശ്വിന്റെ സയന്‍സ് ഫിക്ഷന്റെ സോളോ ഭാഗങ്ങളുടെ ചിത്രീകരണം പ്രഭാസ് ആരംഭിക്കുമെന്ന് വൃത്തങ്ങള്‍ അറിയിച്ചു.വൈജയന്തി മൂവീസ് വന്‍ ബജറ്റില്‍ നിര്‍മ്മിക്കുന്ന ഒരു സയന്‍സ് ഫിക്ഷന്‍ ചിത്രമാണ് പ്രൊജക്‌ട് കെ. പ്രഭാസിനും ദീപിക പദുക്കോണിനും പുറമെ അമിതാഭ് ബച്ചനും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കാന്‍ തീരുമാനിച്ചിട്ടുണ്ട്.