വിക്രത്തിന്റെ വീട്ടുജോലിക്കാരനായി 40 വര്‍ഷത്തോളം പ്രവര്‍ത്തിച്ച ഒളിമാരന്‍ എന്ന് വ്യക്തിയുടെ മകന്റെ വിവാഹമാണ് നടന്നത്. അദ്ദേഹത്തിന്റെ ഭാര്യ മേരിയും ദീര്‍ഘകാലമായി വിക്രത്തിന്റെ സഹായിയായി പ്രവര്‍ത്തിക്കുന്നയാളാണ്. കുറച്ച്‌ നാളുകള്‍ക്ക് മുമ്ബായിരുന്നു ഒളിമാരന്റെ മരണം. തുടര്‍ന്നാണ് മകന്‍ ദീപക്കിന്റെ വിവാഹം വിക്രം നേതൃത്വം നല്‍കി നടത്തിയത്.തിരുപ്പോരൂര്‍ കന്തസാമി ക്ഷേത്രത്തിലാണ് വിവാഹ ചടങ്ങുകള്‍ നടന്നത്. കൃത്യസമയത്തു തന്നെ വിക്രം ക്ഷേത്രത്തില്‍ എത്തിയിരുന്നു . വിവാഹച്ചടങ്ങില്‍ താലി കൈമാറ്റം നടത്തിയതും വിക്രമാണ്. വെള്ള സില്‍ക്ക് ജൂബയും അണിഞ്ഞെത്തിയ താരത്തെ കാണാന്‍ ആരാധകരുടെ വലിയ ഒരു നിര തന്നെ ക്ഷേത്ര പരിസരത്ത് എത്തിയിരുന്നു.താരത്തിന്റേതായി അവസാനം തീയറ്ററുകളില്‍ എത്തിയത് കോബ്രയാണ് . അജയ് ജ്ഞാനമുത്തു സംവിധാനം ചെയ്ത ആക്ഷന്‍ ത്രില്ലര്‍ ചിത്രം വലിയ ജനശ്രദ്ധ നേടിയിരുന്നു. വിക്രം ഏഴ് വ്യത്യസ്ത ഗെറ്റപ്പുകളിലാണ് വിക്രം ചിത്രത്തില്‍ എത്തുന്നത്. ക്രിക്കറ്റ് താരം ഇര്‍ഫാന്‍ പത്താന്റെ സിനിമാ അരങ്ങേറ്റമായ ചിത്രത്തില്‍ മലയാളത്തില്‍ നിന്ന് റോഷന്‍ മാത്യുവും മിയ ജോര്‍ജും സര്‍ജാനോ ഖാലിദും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തിന്റെ ഒരാഴ്ചത്തെ ആഗോള ഗ്രോസ് 63.5 കോടിയാണ്.