പോളണ്ട് ചരിത്രത്തില്‍ ഏറ്റവും കൂടുതല്‍ ഗോള്‍ നേടിയ താരം ആയിട്ടും യൂറോപ്പില്‍ രാജ്യാന്തര മത്സരങ്ങളില്‍ ഏറ്റവും കൂടുതല്‍ ഗോള്‍ നേടുന്ന മൂന്നാമത്തെ താരം ആയിട്ടും ലോകകപ്പില്‍ മാത്രം അക്കൗണ്ട് തുറക്കാന്‍ താരത്തിന് ആയിരുന്നില്ല. 2018 ലോകകപ്പില്‍ 3 മത്സരത്തില്‍ എല്ലാ മിനിറ്റും കളിച്ചിട്ടും ഗോള്‍ കണ്ടത്താന്‍ ആവാത്ത താരം ഈ ലോകകപ്പില്‍ ആദ്യ മത്സരത്തില്‍ മെക്സിക്കോക്ക് എതിരെ പെനാല്‍ട്ടി പാഴാക്കിയിരുന്നു.ഇന്ന് സൗദി അറേബ്യക്ക് എതിരെ വിയര്‍ത്ത പോളണ്ടിനെ ആദ്യ ഗോളിന് അവസരം ഉണ്ടാക്കിയ ലെവന്‍ഡോവ്സ്കി സൗദി താരത്തിന്റെ പിഴവ് മുതലെടുത്ത് രണ്ടാം ഗോള്‍ നേടി ജയം ഉറപ്പിക്കുക ആയിരുന്നു. ഗോള്‍ നേടിയ ശേഷം ആനന്ദക്കണ്ണീര്‍ വാര്‍ത്ത താരത്തിന്റെ മുഖത്ത് ഗോള്‍ നേടിയ ആശ്വാസം കാണാന്‍ ഉണ്ടായിരുന്നു. പോളണ്ടിനു ആയി 136 മത്തെ മത്സരത്തില്‍ ലെവന്‍ഡോവ്സ്കി നേടുന്ന 77 മത്തെ ഗോള്‍ ആയിരുന്നു ഇത്. പോളണ്ടിനു ആയി മൂന്നു യൂറോ കപ്പുകളില്‍ ഗോള്‍ നേടുന്ന ആദ്യ താരവും ലെവന്‍ഡോവ്സ്കി ആയിരുന്നു.