ഹയാത്ത് റീജന്‍സിയില്‍ നടന്ന ഫൊക്കാന കേരളാ കൺവെൻഷനിലാണ് പുരസ്കാരം നൽകിയത്. മലയാളത്തെ സ്നേഹിക്കാൻ ഫൊക്കാനയ്ക്കു ഇതിൽപ്പരം ഒരു പദ്ധതിയില്ലെന്നു ചടങ്ങ് ഉത്‌ഘാടനം ചെയ്ത മോൻസ് ജോസഫ് അഭിപ്രായപ്പെട്ടു.മലയാള ഭാഷയ്ക്ക് ഫൊക്കാനാ നൽകുന്ന പ്രോത്സാഹനം വളരെമുൻപേ മലയാളികൾ മനസ്സിലാക്കിയിട്ടുള്ളതാണെന്ന് അദ്ദേഹം അഭിപ്രായപ്പെട്ടു. അന്‍പതിനായിരം രൂപയും പ്രശസ്തിപത്രവും ശിൽപവും അടങ്ങുന്ന പുരസ്‌കാരമാണ് സമ്മാനിച്ചത്.ഭാഷയ്ക്കൊരു ഡോളര്‍ പുരസ്‌കാര’ത്തിന് അര്‍ഹനായ പ്രവീണ്‍ രാജിനെ ഫൊക്കാനാ പ്രസിഡന്റ് ഡോ. ബാബു സ്റ്റീഫന്‍, സെക്രട്ടറി ഡോ. കല ഷഹി, ട്രഷര്‍ ബിജു ജോണ്‍, ഭാഷയ്ക്കൊരു ഡോളര്‍ കോര്‍ഡിനേറ്റർ ജോര്‍ജി വര്‍ഗീസ്, ട്രസ്റ്റീ ബോര്‍ഡ് വൈസ് ചെയര്‍ സണ്ണി മറ്റമന, ട്രസ്റ്റീ ബോര്‍ഡ് അംഗങ്ങളായ പോള്‍ കറുകപ്പള്ളില്‍, മാധവന്‍ നായര്‍, സജിമോന്‍ ആന്റണി, ജോജി തോമസ് തുടങ്ങിയവർ അഭിനന്ദിച്ചു സംസാരിച്ചു.