തിരുവനന്തപുരം:ഹൃദയാ പ്രൊഡക്ഷൻ നിർമിച്ചു ഡോ:ബി. രജീന്ദ്രൻ സംവിധാനം ചെയ്യുന്ന സാരംഗീരവം 2024 എന്ന മെഗാ മ്യൂസിക്കൽ വീഡിയോ ആൽബം തിരുവനന്തപുരം പത്മ കഫെ മന്നം ഹാളിൽ സ്വിച്ച് ഓൺ കർമ്മം നടന്നു. ഗാനരചയിതാവും പോലീസ് കൺട്രോൾ റൂം അസിസ്റ്റന്റ് കമ്മിഷണറുമായ സുനിൽ ജി ചെറുകടവിന്റെ അദ്ധ്യക്ഷതയിൽ പ്രശസ്ത ചലച്ചിത്ര താരം എം. ആർ. ഗോപകുമാർ ഉത്ഘാടനം ചെയ്തു. പോസ്റ്റർ പ്രകാശനം സ്റ്റാർ മാജിക്‌ വിതുര തങ്കച്ചൻ നിർവഹിച്ചു.
മലയാളഭാഷ സാങ്കേതിക വിദഗ്ദ്ധൻ ഡോ. ആർ. ആർ. രാജീവ്‌, അഡ്വ :അരുൺ കുമാർ,നടൻ വഞ്ചിയൂർ പ്രവീൺ കുമാർ,ഏ. എച്. ഹാഫിസ്, റിട്ടയേർഡ് ഡി. വൈ.എസ്. പി. വേലായുധൻ നായർ, മാധ്യമ പ്രവർത്തകൻ എൽ. ആർ. വിനയ ചന്ദ്രൻ, പ്രേം നസീർ സുഹൃത് സമിതി പ്രസിഡന്റ്‌ പനച്ചമൂട് ഷാജഹാൻ,കാരുണ്യ പ്രവർത്തകൻ ജെ. രാജൻ,സർക്കിൾ ഇൻസ്‌പെക്ടറും ഗായകനും സംഗീതസംവിധായകനുമായ ഹണി ഹെച്ച്. എൽ എന്നിവർ പ്രസംഗിച്ചു. ഫിലിം പി. ആർ. ഒ. റഹിം പനവൂർ സ്വാഗതം ആശംസിച്ചു. നിർമ്മാ താവും സംവിധായകനുമായ ഡോ:ബി. രജീന്ദ്രൻ നന്ദി പറഞ്ഞു. ഹരി നന്ദ പ്രാർത്ഥന ഗീതം ആലപിച്ചു. അസ്ന റഷീദ് നൃത്തം അവതരിപ്പിച്ചു. ആർ. സി. സി കാരുണ്യപ്രവർത്തകൻ ജെ. രാജനേയും,വിശിഷ്‌ഠ അതി ഥികളെയും ഹൃദയ പ്രൊഡക്ഷൻ എം. ഡി ആദരിച്ചു.