തിരുവനന്തപുരം ലോകത്ത് തിന്മയും കാരുണ്യമില്ലായ്മയും വലിയൊരളവിൽ വർദ്ധിക്കുന്നുണ്ടെങ്കിലും കാര്യണ്യ പ്രവർത്തികളുടെ എണ്ണവും അതിനൊപ്പം വർദ്ധിക്കുന്നുവെന്നത് ആശാവഹമാണെന്ന്, ഭാരത് ഭവനും കൗൺസിൽ ഫോർ കമ്മ്യൂണിറ്റി കോ-ഓപ്പറേഷനും (സി.സി.സി)യും സംയുക്തമായി സംഘടിപ്പിച്ച ലോക ജീവകാരുണ്യ ദിനാഘോഷം ഉദ്ഘാടനം ചെയ്ത് ഗാന്ധിഭവൻ സെക്രട്ടറി ഡോ: പുനലൂർ രാജൻ അഭിപ്രായപ്പെട്ടു. ലോകത്തിലെ തന്നെ അറിയപ്പെടുന്ന ജീവകാരുണ്യ പ്രവർത്തകനും വ്യവസായിയുമായ ഡോ: എം.എ യൂസഫലിയുടെ ജന്മദിനവും, ലോക കാരുണ്യ ദിനവും ഒരേ ദിവസം വന്നു എന്ന പ്രത്യേകത കൂടി ഈ ദിവസത്തിനുണ്ട് എന്ന് അദ്ദേഹം അനുസ്മരിച്ചു. (സി.സി.സി ) തിരുവനന്തപുരം ചാപ്റ്റർ പ്രസിഡന്റ് എം എം സഫറിന്റെ അധ്യക്ഷതയിൽ കൂടിയ യോഗത്തിൽ ശ്രീ മണക്കാട് രാമചന്ദ്രൻ, മുക്കമ്പാലമൂട് രാധാകൃഷ്ണൻ, സാജൻ വേലൂർ, പനച്ചമൂട് ഷാജഹാൻ, അഷ്റഫ് പേട്ട, ഡോ: വിൻസന്റ് ഡാനിയൽ, ഡോ.ജയദേവൻ നായർ, അഡ്വ: റോബിൻ സേവ്യർ എന്നിവർ സംസാരിച്ചു.