തിരുവനന്തപുരം : ”കേരളാഗാന്ധി സ്മാരകനിധി, സബര്‍മതി ഉള്‍പ്പെടെയുള്ള ഗാന്ധിയന്‍ സംഘടനകളുടെ സഹകരണത്തോടെ ദേശീയബാലതരംഗം തൈക്കാട് ഗാന്ധി സ്മാരകനിധിയില്‍ സംഘടിപ്പിച്ച റിപ്പബ്ലിക് ദിന കുടുംബസംഗമം മുന്‍ എം.പി. കെ. മുരളീധരന്‍ ഉദ്ഘാടനം ചെയ്തു. ദേശീയബാലതരംഗം സംസ്ഥാന വൈസ് പ്രസിഡന്‍റ് അനാമികാ സുമിപ്രസാദ് അദ്ധ്യക്ഷത വഹിച്ചു. ചെയര്‍മാന്‍ മുന്‍ എം.എല്‍.എ. അഡ്വ. റ്റി. ശരത്ചന്ദ്രപ്രസാദ് ആമുഖ പ്രസംഗം നടത്തി. മുഖ്യപ്രഭാഷണവും, ദേശഭക്തി പ്രതിജ്ഞയും കേരളാ ഗാന്ധി സ്മാരകനിധി ചെയര്‍മാന്‍ ഡോ. എന്‍. രാധാകൃഷ്ണന്‍ നിര്‍വ്വഹിച്ചു. രാവിലെ ദേശീയപതാക ഉയര്‍ത്തി. തുടര്‍ന്ന് നടന്ന കെ.പി. ഉദയഭാനു അനുസ്മരണം ചലച്ചിത്ര പിന്നണി ഗായകന്‍ കല്ലറ ഗോപന്‍ ഉദ്ഘാടനം ചെയ്തു. മിന്നാരഞ്ജിത് സ്വാഗതവും, അമ്പാടി കൃതജ്ഞതയും പറഞ്ഞു. സംസ്ഥാന സ്കൂള്‍ കലോത്സവത്തില്‍ എ ഗ്രേഡ് നേടിയ വിദ്യാര്‍ത്ഥികള്‍ക്ക് സ്നേഹാദരവ് നല്‍കി. റിപ്പബ്ലിക് ദിനം പ്രമാണിച്ച് വിവിധ കലാപരിപാടികള്‍ അവതരിപ്പിച്ച വിദ്യാര്‍ത്ഥികള്‍ക്കുള്ള സമ്മാനദാനവും ഡോ. എന്‍. രാധാകൃഷ്ണന്‍ നിര്‍വ്വഹിച്ചു. ചടങ്ങില്‍ കേരള ഭാഷാ ഇന്‍സ്റ്റിറ്റ്യൂട്ട് മുന്‍ ഡയറക്ടര്‍ ഡോ. എം.ആര്‍ തമ്പാന്‍, സബര്‍മതി ചെയര്‍മാന്‍ വി.കെ. മോഹനന്‍, നര്‍ത്തകി ഗിരിജാ സുരേന്ദ്രന്‍, പിന്നണി ഗായകന്‍ പട്ടം സനിത്ത്, പ്രേംനസീര്‍ സുഹൃത് സമിതി സംസ്ഥാന പ്രസിഡന്‍റ് പനച്ചമൂട് ഷാജഹാന്‍, ഗാനരചയിതാവും, ഗായകനുമായ അജയ് വെള്ളരിപ്പണ, സംസ്ഥാന കോ-ഓര്‍ഡിനേറ്റര്‍മാരായ ശരത്കുമാര്‍ തൃശൂര്‍, അമല്‍ജിത്ത് തിരുവനന്തപുരം, എന്‍. സുഗതന്‍, ജില്ലാ ചെയര്‍മാന്‍ എം. ജഗേന്ദ്രന്‍, ജില്ലാ കോ-ഓര്‍ഡിനേറ്റര്‍മാരായ ടി.പി. പ്രസാദ്, ആറ്റുകാല്‍ ശ്രീകണ്ഠന്‍, ജയശ്രീ വിനോദിനി, ഭുവനചന്ദ്രന്‍, സുരേഷ് ബാബു, യാസ്മിന്‍ സുലൈമാന്‍, അലിഫാത്തിമ, ആര്യ, അസ്ന തുടങ്ങിയവര്‍ പങ്കെടുത്തു.”